超邪惡炸雞，遇上令人心動的蛋卷！

首頁 / 專題創作 / 香港美食地圖 / 超邪惡炸雞，遇上令人心動的蛋卷！

◆Summary◇
韓式炸雞，適合成班人share食。座位多，環境唔錯，服務態度幾好。食物款式頗多，味道都唔錯。推介蜜糖牛油合桃無骨炸雞同芝士蛋卷，原價偏貴，用左booking app之後整體性價比高。

▲ 芝士雞蛋卷 HKD128(原價)😍
實不相瞞食心之食堂果日就係食左呢個蛋卷，以至於夜晚心之蛋卷冇左驚喜。呢個蛋卷真係整得唔錯。芝士好流心，蛋又夠軟滑，二者同蛋融為一體，蛋香同奶味都幾濃 👅

▲ 蜜糖合桃無骨脆雞 HKD195(原價)😍
合桃炸得香脆可口，雞肉外面包裹住滿滿的蜜糖，甜度剛剛好，中和左炸雞的油膩，而且無骨食起身特別過癮🍗美中不足係雞皮唔夠脆

◆雙重芝士麵包辣烤雞◇HKD195(原價)😋
冇上鏡，中間有麵包做碗盛載住融化的芝士。今次的烤雞(?)就反而比炸雞更加脆口，加埋拉絲芝士夠曬韓國風🌪鹹香味道好出，但係呢款比蜜糖款更加飽滯，食第一舊驚為天人，第二舊就覺得要停了，因為實在太漏了😅

💁🏻‍♀️炸雞好味係好味，食落罪惡感都幾大，而且食多左好飽滯，間中食下就夠了
💁🏻‍♀️記得趁熱食，尤其係芝士款式，一凍就硬，唔好話拉絲，雞肉都分分鐘拉唔落來
💁🏻‍♀️其他仲食左年糕/韓式海鮮煎餅/韓式香辣海鮮麵，味道都比較普通就唔寫了

回頭率：🌕🌕🌕🌗🌑
環境：🌕🌕🌕🌗🌑
服務：🌕🌕🌕🌗🌑
份量：🌕🌕🌕🌕🌑
味道：🌕🌕🌕🌗🌑
價錢：HKD115/Pal (Eatigo 30%off)

店家資訊：

店名:Dodam Chicken

地點:銅鑼灣波斯富街99號利舞臺廣場18樓A號舖

營業時間: 11:00 - 23:00